Pirmā svētā komūnija Jasmuižas svētā Krusta Romas katoļu draudzes baznīcā.

Svinīga ieiešana baznīcā.

Gūds Dīvam augstumūs.

LASEJUMS NU PRAVĪŠA AMOSA GRŌMOTAS

Tamōs dīnōs:

Amasijs, Bēteles prīsters, saceja pravītim Amosam: 'Tu, radzātoj, taisīs prūjom, bēdz uz Judas zemi un tur ēd maizi, un tur varēsi pravītōt. Bet Bētelē vairs nadūmoj pravītōt, jo tei ir kēneņa svētneica un kēneņa celtne.'

Amoss tod atbildēja un saceja Amasijam: «Es naasu pravīts un naasu pravīša dāls, bet es asu gons un sikomoru apcērtējs. Un Kungs mani pajēme, kod es gōju aiz gonompulka, un Kungs saceja maņ: 'Ej, pravītoj munai Izraeļa tautai.'

Tys ir Diva vōrds.

LASEJUMS NU SVĀTO APOSTOLA PŌVULA VĒSTULES EFEZĪŠIM

Brōli:

Lai slaveits Dīvs un myusu Kunga Jezus Kristus Tāvs, kas mums Kristū ir devis ikvīnu goreigū svēteibu dabasu lītōs. Taipat jys Kristū ir izredzējis myusus jau pyrms pasaules radeišonas, lai jō prīškā mes byutu svāti un navainojami mīlesteibā. Jys ir paredzējis saskaņā ar sovas grybas lāmumu myusus pījimt par bārnim caur Jezu Kristu, lai tyktu pagūdynōta jō slaves pylnō žēlesteiba, kū jys mums dōvōja mīļōtajā Dālā. Jymā mes sajēmem atpesteišonu caur jō asni, un grāku atlaišonu saskaņā ar jō žēlesteibas bogōteibu, kū jys mums pōrpiļneibā dōvōja leidz ar vysu gudreibu un saprōtu, dorūt mums zynomu sovas grybas nūslāpumu saskaņā ar sovu lāmumu, kū īprīkš beja pījēmis Kristū, lai lyktu pīsapildeit laikam un nu jauna apvīnōtu Kristū vysu, kas ir debesīs un vērs zemes.

Tys ir Dīva vōrds.

LASEJUMS NU JEZUS KRISTUS EVANGELIJA, KŪ UZRAKSTEJIS SVĀTAIS MARKS

Tymā laikā:

Jezus saaicynōja tūs Divpadsmit un sōce jūs syuteit pa divi, un deve jim varu pōr naškeistajim gorim. Un jys tim pavēlēja nikō ceļā najimt leidza, izjamūt spīki: ni maizi, ni sūmu, ni naudu jūstā, bet gon lai jī apautu sandales, bet nagārbtu divus svõrkus. Jys tim saceja: 'Kod jyus kaidā mōjā īīsit, palicit tur, cikom izīsit nu turīnes. Un, jo kaidā vītā jyusu nauzjims un nasaklauseis, izīdami nu turīnes, nupurynojit putekļus nu jyusu kōjom jim par līceibu.' Un jī izgōja un aicynōja uz gondareišonu. Daudzus ļaunūs gorus jī izdzyna ōrā, daudzus sliminīkus svaideja ar eļļu un dareja vasalus.

Tys ir Kunga vōrds.